A la luna,
che la giuga a scondes
là, in scima,
indoe dò nivol
vestissen la montagna,
indoe la lus
la sfrisa l’acqua.
A i stell,
sorei che viven la nòtt
che se stimen
in gir, in del scur.
Al ciel, a la terra,
che se mis’cen
là indoe se perden i mè penser.
A tì,
luna, nivola, lus,
che te scarlighet via
‘me on boff d’aria,
a tì, vita.
Gianfranco Gandini
SARA’ VERA
Provaroo a passà ‘na quai sera
per vardatt de vesin, on moment,
sarà vera?
On torment el me toeu via la pas.
L’è nòtt, el tas tutt’intorna
el sagraa la luna i pivion,….
son sòtt’a on lmpion e te vardi
on groppon in la gora.
Te sfiora ‘na nivola in ciel,
‘me on vel
e te cunti, e te disi i pecaa,
e tì, nò dimm nò che l’è tardi…
… te vardi,
sbilzen foeura ‘me fior coloraa
i pecaa….
Sarà vera?
El perdon mì te cerchi,
fa in manera
de trovà in l’anema scura
on canton cont el ciar.
‘dess me par
de sentì la toa vos,
l’è ‘l perdon…?
sarà vera?
NOI
S’intrecciano
i nostri pensieri,
avidi di speranze
e futuri ricordi.
Per mano,
sino alle soglie di luce
poi un solo essere,
errante,nel nostro universo,
nuovo, vero,eterno…
Gianfranco Gandini