E quand m’incorgi che se smorza el ciar, in
ciel, là in fond sul mar,
dessora doe se ved i ond, mi vedi anmò ‘na
stella sberlusi
la vedi inscì
in de per lee, come se la fudess la lus di pess.
Ona speranza, on’ongia de sorris, la par
vernis
per i lampar che spetten la mattina.
E i pescador,
anlor a rimirà i stell, e poeu,
…giamò l’è incoeu…
Gianfranco Gandini
Serenada
A la luna, che la giuga a scondes
là, in scima, indoe dò nivol vestissen la montagna,
indoe la lus la strisa l’acqua.
A i stell, sorei che viven la nott che se stimen in gir, in del scur.
Al ciel, a la terra, che se mis’cen
là indoe se perden i mè penser.
A tì, luna, nivola, lus,
che te scarlighet via
‘me on boff d’aria, a tì, vita.
Gianfranco Gandini